Omochij ipan xihuitl 2024, ipan masehualaltepetl Alpuyeca, ika tlamachiliztli in titekipanoskeh sansekan iwan oksekin altepemeh, ipan tepalehuiliztli tlen totlanawatiltzin wan totekipanolis tlen tlenamiquiliztli, para tikchihuaskeh se ohtli tlen nemachtiliztli wan netemachtiliztli sansekan; ijkon tikpatlaskeh tonemiliztli, ma eli okachi kuali, okachi tlacayotl wan okachi melawak.
TLALTIKPAIXTLI TLEN KANIN MOCHIWAK TLANECHIKOLMEH YEKMAMANI WAN TLEN AMO YEKMAMANI TLEN SENTILIZTLI
San se sitlalli omotlalih ipan sese altepetl, maski ipan miek altepemeh omochijkeh okachi tlen se tlanechikolli.
AXKAN OTIKCHIJKEH SEMPOALLI TLANECHIKOLMEH YEKMAMANI IWAN EYI TLANECHIKOLMEH TLEN AMO YEKMAMANI.
In achto tlanechikolli omochiwak ipan Masehualaltepetl Alpuyeca, ijkón kemeh yotikijtojkeh. In ojpa Tlanechikolli tlen Sentiliztli omochiwak ipan 19 de marzo, noijki ipan Masehualaltepetl Alpuyeca.
In eyi Tlanechikolli tlen Sentiliztli omochiwak ipan masehualaltepetl Anenecuilco, ipan 6 de abril de 2024.
Ipan 12 de abril omochiwak se Tlanechikolli Tlatzinkayotl ipan Huey Altepetl tlen Estado de Morelos, ipan kaltlamachtiloyan tlen INPI Morelos.
In ojpa Tlanechikolli Tlatzinkayotl omochiwak ipan altepetl La Lagunilla, tlen Municipio de Cuernavaca, ipan 15 de abril de 2024.
Ipan nawi Tlanechikolli tlen Sentiliztli, in Afro Morelos tlanechikolistli techselijkeh ipan Masehual Municipio de Coatetelco, ipan 4 de mayo de 2024.
In makuilli Tlanechikolli omochiwak ipan junio de 2024, ipan Museo Regional de los Pueblos, noso Palacio de Cortés, ipan Municipio de Cuernavaca.
In chikuasen wan chikome Tlanechikolmeh omochijkeh itech masehualaltepetl Alpuyeca, ipan tonaltin 20 de julio de 2024 wan 24 de octubre, ijkón kemeh omotokayoti.
Ipan 11 de noviembre de 2024, omochiwak in eyi Tlanechikolli Tlatzinkayotl, noijki ipan masehualaltepetl Alpuyeca.
Ipan 22 de noviembre de 2024, omochiwak in chikueyi Tlanechikolli tlen Sentiliztli ipan masehualaltepetl Tetelcingo.
Ipan 13 de diciembre de 2024, ipan Masehual Municipio de Xoxocotla, omochiwak in chiknawi Tlanechikolli tlen Sentiliztli, wan yeh okatka in sa ikuitlapan tlanechikolli tlen inon xihuitl.
Ipan 10 de enero de 2025, otikselijkeh in yankuik xihuitl ika in majtlaktli Tlanechikolli tlen Sentiliztli ipan altepetl Ticumán. Ompa omotlalijkeh tlajtolli para mochihuaskeh majtlaktli tlamachtiloyan ipan Masehualaltepetl Alpuyeca, ika tlen mochihuas se Tlanonotsaliztli tlen Huey Tlanawatilli tlen Masehualmeh wan Afromexicahmeh Tlenamiquiliztli; inon tikixnextiskiah ipan tlanawatilkalmeh tlen moneki. In tlamachtiloyan mochihuaskeh ixpan tlakah ipan Alpuyeca wan ika tepozpantli Zoom.
Ipan 19 de marzo de 2025, omochiwak in majtlaktli wan se Tlanechikolli tlen Sentiliztli ipan masehualaltepetl Amayuca.
Ipan 25 de abril de 2025, ipan masehualaltepetl Tetelpa, omochiwak in majtlaktli wan ome Tlanechikolli.
Ipan 15 de mayo de 2025, in Sentiliztli okichiw in nawi Tlanechikolli Tlatzinkayotl ipan UAEM, kanin omotlakuiloj se Tlatolmelawalistli ipan nepalehuiliztli para Hugo Aguilar Ortiz kemeh tlatlapejpenilistli para SCJN. Axkan pakilistli, pampa yeh Ministro Presidente tlen SCJN.
Ipan 30 de mayo de 2025, ipan Masehual Municipio de Hueyapan, omochiwak in majtlaktli wan eyi Tlanechikolli. Ompa omosepanmelaj in Tlanonotsaliztli tlen Huey Tlanawatilli tlen Masehualmeh wan Afromexicahmeh Tlenamiquiliztli; noijki omotlalijkeh nochi tekitl para ma momati miyak wan para tikwikaskiah totlanonotsaliztli ipan tlanawatilkalmeh tlen moneki.
Afromexicahmeh Tlenamiquiliztli; noijki omotlalijkeh nochi tekitl para ma momati miyak wan para tikwikaskiah totlanonotsaliztli ipan tlanawatilkalmeh tlen moneki.
Ipan 9 de julio de 2025, omochiwak in majtlaktli wan nawi Tlanechikolli ipan Museo de Arte Indígena Contemporáneo tlen UAEM, ipan Municipio de Cuernavaca. Achtopa omochiwak se Tlatolnechikolli itoka “Temanawiliztli tlen Tlakayotl Tlenamiquiliztli wan Tlenamiquiliztli tlen Masehual Altepemeh wan Masehual Comunidades”, ika tekitl sansekan iwan UAEM, CIDHM, Brigadas Internacionales de Paz —PBI México— wan in embajada tlen Reino de Bélgica ipan México.
Ipan 9 de agosto de 2025, in majtlaktli wan makuilli Tlanechikolli omochiwak ipan masehualaltepetl Temoac.
In majtlaktli wan chikuasen Tlanechikolli omochiwak ipan masehualaltepetl Acamilpa, ipan 27 de septiembre de 2025.
Ipan 25 de octubre de 2025, omochiwak in majtlaktli wan chikome Tlanechikolli ipan masehualaltepetl Amayuca.
In majtlaktli wan chikueyi Tlanechikolli omochiwak ipan Museo Regional de los Pueblos, noso Palacio de Cortés, ipan Municipio de Cuernavaca, ipan 28 de noviembre, wan yeh okatka in sa ikuitlapan tlanechikolli tlen xihuitl 2025. In tlanechikolli omochiwak itech se Foro ika in tlamantli: “In Tlenamiquiliztli tlen Masehual Siwameh itech Artículo 2º Constitucional”. Wan omochiwak ika tekitl sansekan iwan UPM-CNPA.
Ipan 31 de enero de 2026, omochiwak in majtlaktli wan chiknawi Tlanechikolli ipan altepetl Ticumán, wan ijkón otikpewaltijkeh in yankuik xihuitl.
TLAMATILIZTIN SA IKUITLAPAN
TEKIPANOLIS TLEN TLASEPANWIA
Tikpiah se Nochipa Tlanonotsani Tlanechikolli, tlen kipixtok nawi masehual siwameh tlayekankeh: Paloma Estrada Muñoz, tlen Consejo Promotor tlen Tlanawatil Tlayeyekoliztli para mochihuas in Masehual Municipio de Alpuyeca; Norma Sánchez Aguirre, tlen Comité Indígena de Tetelpa wan Tlayekanki tlen Masehual Tlamantli ipan Municipio de Zacatepec; Sandra María Olascoaga Plascencia, tlen noijki Tlayekanki tlen Masehual Tlamantli ipan Municipio de Tlaltizapán; wan Gloriela Betzabe Octaviano Rolón, tlen Centro Cultural “Mamá Teo” ipan Masehual Municipio de Coatetelco.
Noijki, in Sentiliztli kipia se Tlanonotsani Teknika Tlanechikolli tlen Tlamatkeh Siwameh wan Tlakatl, tlen kichiwah: INPI Morelos; Comisión Independiente de Derechos Humanos de Morelos A.C. (CIDHM); Doctor Juan Manuel Ortega Maldonado, tlen Universidad Autónoma del Estado de Morelos wan tlen Asociación Civil Sumando Derechos, Restando Desigualdades A.C
wan Antropólogo Luis Miguel Morayta, tlen Centro INAH Morelos.
TEKITL TLEN TLAPATILISTLI IPAN TEKIWAJKAYOTL, TLANAWATILLI WAN TLACAYOTL
1.-
Kemeh tlen okisak ipan Achto wan Ojpa Tlanechikolli tlen Sentiliztli, tlen omochijkeh ipan masehualaltepetl Alpuyeca, omochijkeh ome Tlatolmelawalistli ixpan nochi tlakameh: se ipan tepalehuiliztli para mochihuas in Masehual Municipio de Alpuyeca, wan in ojpa ipan tepalehuiliztli para mopatlas in Artículo 2º Constitucional. Wan in ojpa Tlatolmelawalistli omotemakak ipan Congreso de la Unión wan inon tiempo itech Presidente de la República, Andrés Manuel López Obrador, ika itechko Lic. Carlos Matías, delegado tlen INPI ipan Morelos, kemeh se tekiwaj tlen Tlanonotsani Teknika Tlanechikolli tlen Sentiliztli. In tlanawatilli mopatlakeh wan omosepankak ipan 30 de septiembre tlen inon xihuitl 2024.
2.-
Kemeh tlen okisak ipan Eyi Tlanechikolli Tlatzinkayotl tlen Sentiliztli, kanin okatka Diputado Federal Juan Ángel Flores Bustamante, in Comisión de Asuntos Indígenas wan Afromexicanos tlen Cámara de Diputadas wan Diputados techselijkeh ipan Tlanawatilcalli, para tikinmelawiliseh in tlamantli okachi huehyi tlen tiktekitiah ipan Sentiliztli. Ipan inon Tlanechikolli otikateh in Nochipa Tlanonotsani Tlanechikolli tlen Sentiliztli, in Tlanonotsani Teknika Tlanechikolli tlen Sentiliztli, wan in Consejo Promotor tlen Tlanawatil Tlayeyekoliztli para mochihuas in Masehual Municipio de Alpuyeca.
3.-
Ipan Majtlaktli Tlanechikolli tlen Sentiliztli, tlen omochiwak ipan altepetl Ticumán, omotlalih tlajtolli para timosepanpohuaskeh ipan Foro Regional: “Tlanawatilistli ika Melawakayotl wan Tlacayotl Tlayekanolistli: Tlenamiquiliztli tlen Masehual Altepemeh wan Afromexicah Altepemeh”, para mochihuas in Plan Nacional de Desarrollo 2025-2030. Inon omochiwak ipan 14 de enero de 2025, ipan Centro de Convenciones tlen kajki ipan Masehualaltepetl Alpuyeca. Ompa otikixnextijkeh se Tlatolmelawalistli tlen okis wan omosepankak ipan Majtlaktli Tlanechikolli tlen Sentiliztli.
4.-
Otikateh ipan owalaj Hugo Aguilar Ortiz ipan Congreso del Estado de Morelos, ipan Cuernavaca; noijki ipan Teatro de Cuautla, ijkuak onemia kemeh tlatlapejpenilistli para mochihuas Ministro tlen Suprema Corte de Justicia de la Nación —SCJN—. Kemeh tlen okisak ipan Nawi Tlanechikolli Tlatzinkayotl tlen Sentiliztli, omochiwak se Tlatolmelawalistli para mopalehuis in tlatlapejpenilistli tlen masehual Hugo Aguilar Ortiz para SCJN. Nochi inon okualikak axkan, satepan miak xihuitl, Hugo Aguilar Ortiz, se masehual Oaxacatlaketl, ma yeto Tlayekanki ipan okachi hueyi Tlanawatilkal tlen Poder Judicial ipan México; wan ika yeh, se yankuik tlanawatilistli wan tlacayotl tlachiwalistli para nochi masehual altepemeh tlen México.
5.-
Ika tlajtolli tlen omosepankak ipan Majtlaktli Tlanechikolli tlen Sentiliztli, tlen omochiwak ipan altepetl Ticumán, omochijkeh majtlaktli tlamachtiloyan ipan Masehualaltepetl Alpuyeca, para mochihuas se Tlanonotsaliztli tlen Huey Tlanawatilli tlen Masehualmeh wan Afromexicahmeh Tlenamiquiliztli.
In Nochipa Tlanonotsani Tlanechikolli tlen Sentiliztli wan in Tlanonotsani Teknika Tlanechikolli tlen Tlamatkeh Siwameh wan Tlakatl okisehkeh nochi in tlaneltokilistli. Ika tepalehuilistli tlen tlamatketl ipan Tepozmatilistli Tlayeyekoliztli, Roberto Giuliani Albarrán Avendaño, wan iixmatkayo https://giuliani.com.mx, omochiwak in tlasepantlalilistli wan in sa ikuitlapan tlachiwalistli tlen Tlanonotsaliztli tlen Huey Tlanawatilli. Inon omixnextih ipan Majtlaktli wan Eyi Tlanechikolli, tlen omochiwak ipan Masehual Municipio de Hueyapan, kanin omosepankak wan omotlalih in 04 de junio de 2025 para moixnextis ixpan tlamatiliztekiwahkeh wan para ma kimatikan nochi Altepemeh. https://giuliani.com.mx , se realizó la sistematización y el diseño final de la Propuesta de Ley General, que se presentó en la Asamblea número Trece, celebrada en el Municipio Indígena de Hueyapan, donde quedó aprobada y se fijo el 04 de junio del 2025 para su Presentación ante los medios de comunicación y para darla a conocer a todos los Pueblos.
6.-
Ipan 7 de junio de 2025, in Sentiliztli otikchijkeh se hueyi tlachiwalistli ipan tohistoria, pampa otiktemakakeh imakpan in Presidenta Claudia Sheinbaum in Tlanonotsaliztli tlen Huey Tlanawatilli tlen Masehualmeh wan Afromexicahmeh Tlenamiquiliztli, tlen okichiw in Sentiliztli, ijkuak owalaj ipan Masehual Municipio de Coatetelco.
7.-
Ipan 9 de julio de 2025, omochiwak in Majtlaktli wan Nawi Tlanechikolli ipan Museo de Arte Indígena Contemporáneo tlen UAEM, ipan Municipio de Cuernavaca. Achtopa omochiwak se Tlatolnechikolli itoka “Temanawiliztli tlen Tlakayotl Tlenamiquiliztli wan Tlenamiquiliztli tlen Masehual Altepemeh wan Masehual Comunidades”, ika tekitl sansekan iwan UAEM, CIDHM, Brigadas Internacionales de Paz —PBI México— wan in embajada tlen Reino de Bélgica ipan México. Ompa oksemi omoteneh in Tlanonotsaliztli tlen Huey Tlanawatilli tlen Masehualmeh wan Afromexicahmeh Tlenamiquiliztli, tlen okichiw in Sentiliztli; noijki omoteneh in tlachiwalistli para mochihuas in Masehual Municipio de Alpuyeca.
8.-
Ipan Majtlaktli wan Makuilli Tlanechikolli, tlen omochiwak ipan masehualaltepetl Temoac, omotlalih tlajtolli para mochihuas se Foro itoka “Tlanawatil Tlayolmelahualistli ipan Masehual Tlenamiquiliztli”, ika tekitl sansekan iwan Facultad de Derecho wan Ciencias Sociales tlen UAEM. In Foro okichij in Instituto de Investigaciones Legislativas tlen Congreso de Morelos, tlen itlayekankauh yeh Lic. Carmelo Enríquez. In Foro omochiwak ipan 03 de septiembre de 2025, ipan Salón de Comisiones tlen Congreso del Estado.
9.-
Ipan 8 de octubre de 2025, okatka se hueyi tlachiwalistli ipan historia tlen Sentiliztli. Ipan inon tonalli, in Sentiliztli okiresibiroj in tocniuh masehual wan yankuik Ministro Presidente Hugo Aguilar Ortiz ipan Suprema Corte de Justicia de la Nación. Ompa omotlalih ixpan yeh in tlachiwalistli para mochihuas in Masehual Municipio de Alpuyeca wan oksekin huehyi tlamantli. Noijki omotemakak in Tlanonotsaliztli tlen Huey Tlanawatilli tlen Masehualmeh wan Afromexicahmeh Tlenamiquiliztli, tlen okichiw in Sentiliztli.
10.-
Ika tlajtolli tlen omosepankak ipan Majtlaktli wan Chikuasen Tlanechikolli, tlen omochiwak ipan masehualaltepetl Acamilpa, omosepankak para timosepanpohuaskeh kemeh tlanotskeh ipan “Achto Congreso Internacional tlen Masehual Tlenamiquiliztli”, tlen omochiwak ipan Facultad de Derecho wan Ciencias Sociales tlen UAEM. In Sentiliztli okitokaroh ma kitlali wan ma kiyektlali in tlamantli tlen tonalli 13 de noviembre de 2025. Noijki otikateh ipan ipehualiztli wan ipan itsakualiztli tlen inin hueyi tlachiwalistli.
TEPOZNAWATIL TLAPOHUALTIN
Yeh se Tepoznawatil Tlapohualtli Tlen kipia kemeh itlayekanmachiliztli Ma momati in itechkawiliztli tlen historia, tlacayotl, tlamachiliztli wan teoyotl tlayekankayotl Tlen masehualtlakatl Emiliano Zapata Salazar.
XITECHNOTZAKAN
- ALPUYECA
- 777
- cidhmorelos@gmail.com
TLAMANTLI TLEN WEB TLAPALLI OKICHIJ
2026 © Todos los Derechos Reservados